شارپرێس:

لە قەزای سەیدسادق شوانکارێک بەهۆی بەرکەوتنی هەورەبروسکەوە گیانی لەدەستداوە، کە باوکی پێنج منداڵ بوە.

شارپرێس زانیویەتی، ئەو کەسەی بەهۆی هەورەبروسکەوە گیانی لەدەستداوە ناوی سەردار حەمەساڵح بوە و پیشەی شوان بوە.

هەر بەپێی ئەو زانیارییانە، قوربانییەکە خەڵکی سلێمانییەو لەسەیدسادق شوان بوە، باوکی پێنج منداڵ بوو، لەئێستاشدا تەرمی قوربانیەکە گواستراوەتەوە بۆ پزیشکی دادی سلێمانی.