شارپرێس:
وەزارەتی کارەبا هاووڵاتیان ئاگاداردەکاتەوە لەوەی سبەی
هەینی وێستگەی گازی بەرهەمهێنانی کارەبای سلێمانی لە کاتژمێر 2:00ی شەو بۆ ماوەی
شەش کاتژمێر دەکوژێتەوە.
وەزارەتی کارەبا لەئاگادارییەکەیدا دەڵێت،" لەماوەی
ئەم چەند کاتژمێرە دەکرێت بەشێک لە هاوڵاتیان دووچاری پچڕانی کاتی کارەبا ببنەوە ".
ئەوەشیخستەڕوو، ئەم هەنگاوە لەچوارچێوەی چالاکییەکانی بەستانی
بۆڕی نوێی گازی کێڵگەی کۆرمۆرە بە وێستگەی بەرهەمهێنانی کارەبای سلێمانی کە دەبێتە
هۆی زیادکردنی بەرهەمهێنانی کارەبا لە داهاتوودا.