شارپرێس:

وەزارەتی ناوخۆی ئیسپانیا لەبارەی چونی ژمارەیەکی زۆری کۆچبەری مەغریبی بۆ شاری سێوتا هاتەدەنگ و دەڵێت، تەنها لەماوەی 24 کاتژمێری رابردودا زیاتر لە 49 هەزار کۆچبەری مەغریبی بەڕێی وشکانی و ئاوییەوە خۆیان گەیاندوەتە شاری سێوتای سەر بە ئیسپانیا.

ئاژانسی هەواڵی "EFE"ی ئیسپانی بڵاویکردوەتەوە، لەنزیک کەناراوەکانی سێوتا تەرمی 15 دۆزراوەتەوە، کە بەشێکیان لەئاودا خنکاون و بەشەکەی دیکەشیان بەهۆی پاڵەپەستۆوە گیانیان لەدەستدا.

ئەوەشخراوەتەڕوو، بەمەبەستی رێگریکردن لەچونی ئەو کۆچبەرانە، لەهەندێک شوێندا ڕوبەڕوبونەوە لەنێوان پۆلیسی ئیسپانیا و کۆچبەران ڕویداوە.

شاری سێوتا کە لەڕوی جوگرافییەوە لەڕێی وشکانی بەخاکی مەغریبەوە لکاوە، بەڵام لە ساڵی 1580وە کەوتوەتە ژێر دەسەڵاتی ئیسپانیا و دانیشتوانەکەی تێکەڵەیە لە پێکهاتەکانی مەسیحی، موسڵمان، ئیسپانی و مەغریبی.