شارپرێس:
سەرلەبەیانی ئەمڕۆ یەکشەممە، سوپای پاسداران دوو شوانکاری سنوری قەزای پشدەریان دەستگیرکردو ژمارەیەک سەرمەڕ و بزنی ئەو شوانکارانەیان بردوە.
ڕوداوەکە لەکوێستانەکانی مامەندە و ڕوباری ئاوەسپی نێوان
باشور و ڕۆژهەڵاتی کوردستان بوە، بەگوێرەی بەدواداچونی شارپرێس دەستگیرکردنی ئەو
دوو شوانکارە بەبیانوی بەزاندنی سنورەکان بوە .
هەر بەپێی ئەو زانیارییانە، ئەو دوو شوانکارەی لەلایەن سوپای
پاسدارانەوە دەستگیرکراون، دانیشتوی سنوری ناحیەی هەڵشۆن لەقەزای پشدەر، بەناوەکانی
( عەبدوڵا رەسوڵ ئەحمد و خدر عەبدوڵا رەسول
).
بەمەبەستی بەدواداچون بۆ ئەو ڕوداوە، شارپرێس پەیوەندی کرد
لایەنی پەیوەندیدار و بەڕێوەبەری ناحیەی هەڵشۆ، بەڵام پەیوەندییەکان بەردەست نەبون .