شارپرێس:
دوای ئەوەی شارپرێس وەک یەکەم دەزگای میدیایی کوردیی ئاشکرایکرد
کە هێزەکانی سوریا کەوتونەتە ئەوپەڕی حاڵەتی ئامادەباشی و هێزێکی زۆریان لەسەر
سنوری عێراق بڵاوەپێکردوە، فەرماندەی هێزەکانی سنوری عێراق ڕونکردنەوەی
لەوبارەیەوە دا.
فەریق محەمەد عەبدولوەهاب ئەلسەعیدی، فەرماندەی هێزەکانی
سنوری عێراق بە میدیای فەرمی عێراقی راگەیاندوە،" دۆخەکە لەسنوری سوریا
ئاساییە و جوڵەی هێزەکانی سوریا بەئاگاداری و هەماهەنگی لەگەڵ ئێمە بوە ".
ئەوەشیخستەڕوو، لەئێستادا هیچ هەڕەشەیەک لەسەر سنور نییە
و جوڵەی هێزەکانی سوریا بەمەبەستی توندوتۆڵکردنی سنوری نێوان عێراق و سوریایە.