شارپرێس:
وتەبێژی فەرماندەی گشتی هێزە چەکدارەکانی عێراق جەخت لەسەر ئەوە دەکاتەوە کە رۆژی 30 ئەیلول تەواوی هێزەکانی
ئەمریکا و هاوپەتمانان لەعێراق دەکشێنەوە، هاوکات دڵنیاییش دەدات و دەڵێت،"
تەواوی خاکی عێراق لەژێر کۆنتڕۆڵی خۆماندایە و هیچ نیگەرانییەک لەبارەی دۆخی ئەمنی
وڵاتەکەوە نییە ".
سەباح نوعمان، وتەبێژی فەرماندەی گشتی هێزە چەکدارەکانی
عێراق بە میدیای فەرمی وڵاتەکەی رایگەیاندوە،"
هیچ هێز و بنکەیەکی سەربازی بیانی لەخاکی عێراق نامێنێت و تاکو 30ى 9ى 2026 هێزەکانی هاوپەیمانی نێودەوڵەتی بەسەرۆکایەتی ئەمریکا بەتەواوی
لەعێراق دەکشێتەوە ".
ئەوەشیخستەڕوو، دۆخی ئەمنی عێراق زۆر باشە و تەواوی خاکی
وڵات لەژێر کۆنتڕۆڵی خۆماندایە، هیچ ترس و نیگەرانییەکی ئەمنیش لەسەر وڵاتەکە نیە.
سەباح نوعمان وتیشی،" هێزەکانمان لەتەواوی عێراقدا
بڵاوەیان پێدەکرێت ".