شارپرێس:

دەستەی فڕۆکەوانی مەدەنی سعودیە رایگەیاند، لەئەنجامی هێرشەکانی ئەمڕۆی سەر هەردوو فڕۆکەخانەی ئەبها و مەلیک بن خالید، سێ کەس کوژران و 36 کەسی دیکە بریندارن.

دەستەی گشتی فڕۆکەوانی مەدەنی سعودیە لەڕاگەیەنراوێکدا ئاماژەی بەوەکرد،" بەهۆی هێرشەکانی سەر فڕۆکەخانەی نێودەوڵەتی ئەبها، دوو کەسی نیشتەجێی بیانی کوژران و 28 کەسی دیکەش برینداربون، کە بەشێکیان هاوڵاتی سعودین و بەشێکی دیکەشیان کەسانی بیانین ".

ئەوەشیخستەڕوو، لە هێرشێکی دیکەدا بۆ سەر فرۆکەخانەی مەلیک خالدی نێودەوڵەتی کەسێکی بیانی کوژراوە و هەشت کەسی دیکە بریندارن.