شارپرێس:
ئوسترالیا حەوت ڕۆژ مۆڵەتی بە باڵیۆزی ئێران دا بۆ ئەوەی وڵاتەکەی بەجێبهێڵێت، دوای ئەوەی تاران تۆمەتبارکرا بە ڕێکخستنی هێرشەکانی سیدنی و مێلبۆرن.
ئەمڕۆ سێشەممە ئەنتۆنی ئەلبانیز، سەرۆکوەزیرانی ئوسترالیا لە کۆنگرەیەکی ڕۆژنامەوانیدا ڕایگەیاند، دەزگا هەواڵگرییەکان ئێرانیان بەستەوە بە هێرش و سووتاندنی کافێیەکی سیدنی لە مانگی ئۆکتۆبەری ڕابردوو و هێرشێکی دیکە بۆ سەر کەنیسەی مێلبۆرن لە مانگی کانوونی دووەمدا.
ئاماژەی بەوەشکرد، ئەو دوو ڕووداوە "هەوڵدانە بۆ تێکدانی یەکگرتوویی کۆمەڵایەتی و هاندانی ناتەبایی لە کۆمەڵگاکەماندا".
ئەلبانیز فەرمانی بە باڵیۆزی ئێران ئەحمەد سادقی و سێ بەرپرسی دیکە کرد کە ئوسترالیا بەجێبهێڵن و هەروەها دیپلۆماتکارەکانی ئوسترالیاشی لە تاران کشاندوەتەوە.
لای خۆیەوە ئێران بە توندی ئەو تۆمەتانەی ڕەتکردۆتەوە.
ئ.ه