شارپرێس:
کۆمەڵەی گەنجانی وڵاتپارێز و ژنانی گەنجی تێکۆشەر سبەینێ
دژی داگیرکارییەکانی دەوڵەتی تورک ڕێپێوان دەکەن.
بڕیارە سبەینێ
یەکشەممە، کاتژمێر ٢ی دوانیوەڕۆ کۆمەڵەی گەنجانی وڵاتپارێز و ژنانی گەنجی تێکۆشەر
ڕێپێوانێکی هێمنانە لە شاری سلێمانی لە بەردەم باخی گشتی-یەوە تا سەهۆڵەکە ئەنجام
بدەن.
کۆمەڵەی گەنجانی
وڵاتپارێز و ژنانی گەنجی تێکۆشەر لە لێدوانێکی نوسراودا، کە ئێوارەی ئەمڕۆ
وێنەیەکیان بۆ شارپرێس ناردووە ڕایانگەیاندوە "لەم باروودۆخەی کە تێیدان لە
هەموو لایەکەوە داگیرکاریی لەسەر کوردستان بەردوامە لە لایەن دەوڵەتانی دەرەوە و
بە پێشەنگایەتی دەوڵەتی فاشیستی تورک بەڕێوەدەچێت".
کۆمەڵەی گەنجانی وڵاتپارێز و ژنانی گەنجی تێکۆشەر ئاماژەیان بەوەداوە "لە
باکوری کوردستان ڕۆژانە ئینسانە ئازادیخوازەکان دەستبەسەر دەکەن و لە باشووری
کوردستان بنکە و بارەگاکانی زیاد دەکات و ڕۆژانە بۆردومانی ناوچە سنوریەکان دەکات،
لە ڕۆژئاوای کوردستانیش دەوڵەتی تورک کوردی ئازادی ناوێ، بۆیە لە سەرەتای شۆڕشی
ڕۆژئاواوە هەمیشە لە هێرش و ئامانجێکی قێزەوندا ویستویەتی دەسکەوتەکانی کورد
لەناوببات".
کۆمەڵەی گەنجانی
وڵاتپارێز و ژنانی گەنجی تێکۆشەر ئەوەشی وتوە "بۆ وەستانەوە دژی داگیرکاریی
لەسەر کوردستان و عەفرین، داواکاریمان هەیە لە هەموو گەنجان و ژنان، کە بەشداری لە
ڕێپێوانەکان بکەن، ئێمە وەک گەنجانی وڵاتپارێز و ژنانی گەنجی تێکۆشە لەژێر ناوی
هەڵمەتی سەرهەڵدە دەڵێین نەک تەنیا داگیرکاریی، هەتا سێبەری داگیرکەریی لە
کوردستان دەگرین و لە ناودەبەین، هەتا دواین هەناسە تێکۆشان دەکەین و بەرخۆدان
دەکەین و سەردەکەوین".
هـ ـ ر