شارپرێس: 
كۆمپانیای "هواوی "رایگەیاند، خۆی ئامادە دەكات بۆ ئەوەی مۆبایلێكی پێشكەوتوو نمایش بكات، كە توانەیەكی بەرزی وێنەگرتنی هەبێت ، سەرباری ئەوەی دەتوانێت لەگەڵ تۆرەكانی نەوەی پێنجەمی ئینتەرنێت كار بكات .

یەكێك لەو تایبەتمەندیانەی ئەو مۆبایلەی پێ جیادەكرێتەوە بۆدییە كەشخەكەیەتی، كە سێ كامێرای لەسەرە بە كوالێتی ٤٨ مێگاپێكسڵ ، هاوێنەی كامێرەكانی لەگەڵ لایتی ڕووناككردنەوە لەسەر شێوەی چوارگۆشەیەكن لە بەشی پشتەوەی مۆبایلەكە ، چاوەڕێش دەكرێت كامێرەكانی لە باشترین كامێرەی مۆبایلەكانی ئێستا بن .

هەرچی كامێرای بەشی پێشەیە ، ئەوە پێشبینی دەكرێت كوالێتییەكەی ٣٢ مێگاپێكسڵ بێت ، كە تایبەتمەندی ناسینەوەی روخساری لەسەرە بۆ داخستنەوەی شاشەكە و كردنەوەی كڵۆمەكە بەشێویەكی خێرا و پارێزراو .

شاشەی مۆبایلەلە كوالێتییەكی بەرزی دەبێت، كە قەبارەكەی ٦،٢٦ بۆسەیە و توانای ئەوەی هەیە ڤیدیۆكان بە كوالێتی + FHD نمایش بكات ، پاترییەكەشی تواناكەی ٣،٩٠٠ میلی ئەمپێرە .

پرۆسێسەرەكەی كۆری ٨ و رامەكەی ٦/٨گێگابایتە ، میمۆری خەزنكردنی ناوخۆییشی ٢٥٦/١٢٨ گێگابایتە .

وەرگێڕان: ئاكۆ عەبدوڵڵا ئاڵی