ناوی ئەندامانی ئەو لیژنەیەی لێكۆڵینەوە لەمەلا بەختیار دەكەن

sharpress.net

13609 جار خوێندراوه‌ته‌وه

09/09/2019‌

شارپرێس:
لاهور شێخ جەنگی داوای پێكهێنانی لیژنەیەكی بۆ لێكۆڵینەوە لەمەلا بەختیار كارگێڕی مەكتەبی سیاسی یەكێتی نیشتمانی كردووە، بۆ ئەوەش چوار كەس راسپێراون.

بەپێی ئەو زانیارییانەی دەست شارپرێس كەوتووە، لاهور شێخ جەنگی، كە ئەندامی ئەنجوومەنی ناوەندی یەكێتییەو بەشداری كۆبوونەوەكانی مەكتەبی سیاسی‌و سەركردایەتی دەكات، لەكۆبوونەوەی رۆژی شەممەی رابردووی مەكتەبی سیاسی‌و سەركردایەتی یەكێتی داوای پێكهێنانی لیژنەیەكی لێكۆڵینەوەی بۆ مەلا بەختیار كردووە.

هەر بەپێی زانیارییەكان، لاهور شێخ جەنگی داواشی كردووە، لەسەر چەند دۆسییەكی تایبەتی ناوخۆیی‌و دەرەكی لێكۆڵینەوە لەمەلا بەختیار بكرێت، بەتایبەتی پرسی پەیوەندی لەگەڵ پارتی دیموكرات.

زانیارییەكان باس لەوەش دەكەن، كە ئێستا لیژنەیەك لەسەركردایەتی‌و مەكتەبی سیاسی بۆ ئەو پرسە راسپێراون، كە پێكهاتوون لەحاكم قادر حەمەجان ئەندامی مەكتەبی سیاسی‌و فەرید ئەسەسەردو لەتیف شێخ عومەر ئەندامانی سەركردایەتی‌و نوێنەرێكی دەزگای زانیاری.

داواكارییەكەی لاهور شێخ جەنگی لەكاتێكدایە، ماوەیەكی زۆرە مەلا بەختیار لەسیاسەتەكانی حیزبەكەی نیگەرانەو لەزۆرێك لەكۆبوونەوەو دەركەوتنەكانی رەخنەی توند لەبەرپرسانی حیزبەكەی دەگرێت ئەوەش نیگەرانی دروست كردووە.

هـ ـ ح





ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved