شارپرێس:
سەرچاوە مەیدانییەکان لە شاری سەرێ کانییەوە باس لەوە دەکەن کە هێزەکانی
سوریای دیموکرات "نەبییە موسا تەها
" فەرماندەی کەتیبەی "هەڵۆکانی کورد" یان بەئامانج گرتووە .
ئەو سەرچاوەیە باسی لەوە کردووە کە لەڕێگای تۆپی هاوەنەوە شوێنی خۆحەشاردانی
ئەو بەکرێگیراوەی تورکیایان کردۆتە ئامانج و بەهۆیەوە زۆر بەسەختی بریندار بووە .
بەقسەی سەرچاوە مەیدانییەکە پێشتر شەڕڤانان زانیاریان لەسەر شوێنی
خۆحەشاردانی ئەو فەرماندەی سەر بە گرووپەکانی تورکیا هەبووە و وەک تۆڵەیەک بۆ
نۆکەرایەتیکردن بۆ سوپای تورکیا و دەزگا هەواڵگرییەکانی لە دژی گەلی کورد بەئامانج
گیراوە.
نەبییە موسا تاها پێشتر بەشداری شەڕی داگیرکردنی عەفرینی کردووە و
ئەندامێکی سەرەکی رابیتەی بێلایەنانی کورد بووە کە پەیوەندییەکی بەهیزیان لەگەڵ
نوێنەرانی ئەنجوومەنی نیشتیمانی کورد لە سوریا هەیە کە بەشێکە لە هاوپەیمانی
ئۆپۆزیسیۆنی سوریا .
ئاکۆ عەبدوڵلا ئاڵی