لە تورکیا پیاوێک بەهۆی خاولییەکەوە دەستگیر دەکرێت

جیهان

21/05/2020‌ 629 جار خوێندراوه‌ته‌وه

شارپرێس:

دەسەڵاتدارانی تورکیا پیاوێکی ئێرانیان دەستگیر کردووە دوای ئەوەی ماڵە دراوسێکانی پۆلیسیان ئاگادار کردۆتەوە کە خاولییەکی هەڵواسیوە ئاڵای بەریتانیای پێوەیە، کە ئەوەشیان وەک کارێکی بێزراکەرانە هەژمار کردووە .
بەگوێرەی ئاژانسی ئەسۆشیەتد پرێسی ئەمەریکی رۆژی سێشەممە پۆلیس ئەو کەسەی لە شاری قەیاسەری لەناوەڕاستی تورکیا دەستگیر کردووە، ئەویش دوای ئەوەی ماڵە دراوسێکانی سکاڵایان لەسەر تۆمار کردووە، لەکاتی دەستگیرکردنیدا بە چەپڵە و هەڵهەلەکێشان پێشوازیان لەو کارەی پۆلیس کردووە .

نووسینگەی والی شارەکە لەبەیاننامەیەکدا ئاماژەی پیاوەکە بەرگری لەخی کردووە بەوەی ئەو تەنیا ویستوویەتی خاولییەکەی وشک بکاتەوە و هیچ مەبەستێکی تری نەبووە .
رووداوەکە لەکاتی پشووی ئاهەنگەکانی رۆژی گەنجان و وەرزشە کە دەکەوێتە ١٩ی ئایار، ئەویش ئەو رۆژەیە کە لەساڵی ١٩١٩ جەنگی سەربەخۆیی تورکیا دژ بە هێزە داگیرکەرەکان دەستیپێکردووە کە لەناویاندا سوپای بەریتانیا .
ئاژانسە ئەمەریکییەکە باسی لەوە کردووە کە لەیەکێک لە سیماکانی ئەو ئاهەنگە ئەوەیە کە تورکەکان ئاڵای وڵاتەکەیان بەسەر باڵکۆنەکانیاندا هەڵدەواسن .

وەرگێڕان : ئاکۆ عەبدوڵلا ئاڵی