شارپرێس:
پارتی کرێکارانی
کوردستان رایدەگەیەنێت کە ئەوان هیچ گرفتێکیان لەگەڵ رەوانەکردنی هێزە
فیدراڵییەکان بۆ قەزای شەنگال نییە ، لەبەرئەوەی ئەوە بەبابەتێکی ناوخۆیی ئەو
وڵاتە و هیچ کاریگەریشی لەسەر بوونی ئەوان لە ناوچەکەدا نابێت، بەوپێیەی هێزەکانی
ئەوان لەسەر سنووری عێراق و تورکیان و چالاکییەکانیان لەقوڵایی خاکی تورکیادا
ئەنجام دەدەن.
کاوە شێخ مووس ئەندامی
لیژنەی پەیوەندییەکانی پارتی کرێکارانی کوردستان لەلێدوانێکدا رایگەیاندووە کە
رەوانەکردنی هێزە فیدراڵییەکان بۆ قەزای شەنگال بابەتێکی ناوخۆیی ئەو وڵاتە و ئەوان
دژی ناوەستنەوە، هیچ کاریگەرییەکی لەسەر بوونی ئەوان لەناوچەکەدا نابێت،
لەبەرئەوەی هێزەکانی ئەوان لەسەر سنووری عێراق و تورکیان و چالاکییەکانیان
لەقوڵایی خاکی تورکیادا ئەنجام دەدەن.
شێخ مووس لەبەشێکی
لێدوانەکەیدا جەختیکردوەتەوە کە پارتی کرێکارانی کوردستان هیچ هێزێکی عێراقی لەشەنگال
بەئامانج ناگرێت، بەتایبەت ئەگەر بێت و ئەو هێزە لەپێکهاتەی ئێزیدی دەڤەرەکە
پێکهاتبێت، ناردنی هێزی فیدراڵیش بۆ قەزای شەنگال بابەتێکی ناوخۆییە و هیچ
کاریگەرییەکی لەسەر بوونی ئەوان نابێت.
شێخ مووس
دڵنیاشییشداوە لەوەی بەهیچ جۆرێک بەیەکدادانی چەکداری لەنێوان هێزەکانی پەکەکە و
ئەو هێزانەدا درووست نابێت کە ئەرکی پاراستنی ئەمنییەتی قەزای شەنگال لەئەستۆ
دەگرن.
ئامادەکردن : ئاکۆ ئاڵی