كەشناسی هەرێم: باران دەبارێت و پلەكانی گەرما دادەبەزێت

کوردستان

15/10/2021‌ 3406 جار خوێندراوه‌ته‌وه

شارپرێس

به‌ڕێوه‌به‌رایه‌تی كه‌شناسی و بومه‌له‌رزه‌زانی هه‌رێمی كوردستان پێشبینییه‌كانی كه‌ش و هه‌وای بۆ سێ ڕۆژی داهاتوو بڵاوكردەوە و بەپێی پێشبینییەكان ڕۆژی سێ شه‌مە، ئاسمانى هه‌رێم نیمچه‌ هه‌ور بۆ هه‌ورى ته‌واو ده‌بێت له‌ گه‌ڵ بارینى نمه‌ باران و كه‌مێك هه‌وره‌ تریشقه‌.


به‌ڕێوه‌به‌رایه‌تی كه‌شناسی و بومه‌له‌رزه‌زانی هه‌رێمی كوردستان بڵاویكردەوە، ڕۆژى یه‌ك شه‌ممه‌ و دووشه‌ممه‌ پێشبینى ده‌كرێ ئاسمانى هه‌رێم په‌ڵه‌هه‌ور و نیمچه‌ هه‌وربێت پله‌كانى گه‌رما به‌ (5-7) پله‌ دابه‌زێت به‌ به‌راورد له‌ گه‌ڵ پله‌كانى گه‌رماى ئه‌مڕۆدا و خێرایى با (10-20) كام/ك.

ڕاشیگه‌یاندووه‌: ڕۆژی سێ شه‌ممه‌ ئاسمانى هه‌رێم نیمچه‌ هه‌ور بۆ هه‌ورى ته‌واو ده‌بێت له‌ گه‌ڵ بارینى نمه‌ باران و كه‌مێك هه‌وره‌ تریشقه‌ به‌تایبه‌ت له‌ ناوچه‌ شاخاویه‌كانى دهۆك و هه‌ولێر و ناوچه‌كانى ئیداره‌ى ڕاپه‌ڕین وه‌ پله‌كانى گه‌رما به‌ نزمى ده‌مێنێته‌وه‌ وه‌كو ڕۆژانى پێشوو.

س.س