شارپرێس:
رالف رانگنیك راهێنەری یانەی مانچستەر
یونایتدی ئینگلیزی سەبارەت بە چارەنوسی ئیدیسۆن كاڤانی ئۆرۆگوایی و یاریزانی یانەی
شەیتانە سورەكان لێدوان دەدات.
راپۆرتی رۆژنامە وەرزشییەكان ئاماژەیان بەوە
كردووە، كاڤانی تەمەن 34 ساڵ لە هاوینی داهاتوو گرێبەستی لەگەڵ مانچستەر یونایتد
كۆتایی پێدێت و روو لە یانەی بەرشەلۆنە دەكات.
رانگنیك لە لێدوانەكانیدا كە لە هەژماری
فابریزیۆ رۆمانۆی رۆژنامەنوس بڵاوكراوەتەوە دەڵێت، ماوەی نیو كاتژمێر لەگەڵ كاڤانی
قسەم كردووە و پێی وتوم، لە یانەی مانچستەر یونایتد دەمێنمەوە.
وتیشی، كاڤانی یاریزانێكە دەكرێت پشتی پێ
ببەسترێت و ببێت بە نمونەی یاریكردن بۆ یاریزانە لاوەكان.
رەنج رەسول