شارپرێس
لە هێرشەکەی دوانیوەڕۆی ئەمڕۆی
توركیادا بۆسەر شەنگال كە لەڕێگەی فڕۆكەی بێفڕۆكەوانەوە ئەنجامیدا، فەرماندەیەكی
هێزەكانی یەكینەكانی بەرخۆدانی شەنگال كرایە ئامانج.
ئەمڕۆ، کاتژمێر 3:30 خولەکی دوای نیوەڕۆ،
فڕۆکە بێفڕۆکەوانەکانی سوپای توركیا، هێرشیان کردە سەر دوو ئۆتۆمبێل لە دۆڵی شیلۆ،
لە ئەنجامی ئەو هێرشەدا، فەرماندەیەک و شەرڤانێکی ئەندامی یەکینەکانی بەرخۆدانی شەنگال
(یەبەشە)شەهیدبوون.
بەپێی ئەو زانیاریانەی بڵاوكراونەتەوە
فەرماندەكەی یەبەشە ناوی ئێزدین شەنگالییە و ئەنڤەر تۆلهەڵدان كە شەڕڤانێكی
یەبەشەیە لەگەڵیدا شەهیدبووە و دوو شەڕڤانی دیکەی یەبەشە برینداربوون.
لە مانگی ئابی ساڵی رابردووەوە، ئەمە
سێیەمین جارە سوپای توركیا لە ڕێگەی فڕۆكەی بێفڕۆكەوانەوە فەرماندەكانی یەبەشە دەكاتە
ئامانج و تائێستا سێ فەرماندەی یەبەشە و چەند شەڕڤانێك لەو هێرشانەدا شەهیدبوون.
س.س