شارپرێس:

وەزارەتی ئاوەدانکردنەوە و نیشتەجێکردن رایدەگەیەنێت، کارکردن لە پڕۆژەی ڕێگەی دووسایدی دوکان - چوارقوڕنە بەردەوامە، دەشڵێت، بڕیارە هەفتەی داهاتوو 11 کیلۆمەتری دیکەی رێگەکە بە روی شۆفێراندا بکرێتەوە.

وەزارەتی ئاوەدانکردنەوە و نیشتەجێکردنی حکومەتی هەرێمی کوردستان بڵاویکردەوە، لە چوارچێوەی قۆناغەکانی دوەم و سێیەمی پڕۆژەی دوسایدی دوکان - چوارقوڕنە، کارەکانی 11 کیلۆمەتر لە ڕێگاکە تاوەکو ناوچەی کانی وەتمان تەواو بوە.

ئەوەشیخستەڕوو، لەئێستادا تەنیا بڕگەکانی هێڵکاری و هەندێک کاری وردی تەکنیکی ماون، کە بڕیارە تاوەکو هەفتەی داهاتوو کۆتاییان بێت و بە فەرمی بخرێتە خزمەت هاووڵاتییانەوە.

بەپێی راگەیەنراوی وەزارەتی ئاوەدانکردنەوە، بەگشتی درێژایی رێگاکە 36.5 کیلۆمەترە و تێچوی پڕۆژەکە زیاتر لە 243 ملیار دینارە.