هه‌واڵى كوشتنى ژماره‌یه‌ك كۆچبه‌ر له‌لایه‌ن پۆڵه‌نداوه‌ بڵاوده‌بێته‌وه‌

جیهان

22/06/2022‌ 582 جار خوێندراوه‌ته‌وه

شارپرێس:
شاندێكى عێراق سه‌ردانى بیلاروسیاو پۆڵه‌نداى كردو شانده‌كه‌ باسى له‌وه‌كردوه‌ هه‌ندێك زانیاریان پێدراوه‌ كه‌ ژماره‌یه‌ك كۆچبه‌ر له‌لایه‌ن هێزه‌كانى پۆڵه‌نداوه‌ كوژراون و به‌نهێنى ته‌رمه‌كانیان شاردراوه‌ته‌وه‌.


میدیا عێراقیه‌كان بلاویانكرده‌وه‌، شاندێكى عێراق سه‌ردانى وولاتانى بیلاروسیاو پۆڵه‌ندایان كردوه‌و به‌پێى به‌دواداچونه‌كانیان هه‌ندێك زانیاریان ده‌ستكه‌وتوه‌ كه‌ ژماره‌یه‌ك كۆچبه‌ر له‌لایه‌ن هێزه‌كانى سوپاى پۆڵه‌نداوه‌ كوژراون و به‌نهێنى ته‌رمه‌كانیان كراوه‌ به‌ژێر خۆڵه‌وه‌.

ئه‌وه‌شخراوه‌ته‌ڕوو، به‌دواداچوون له‌سه‌ر ئه‌م كه‌یسه‌ ده‌ستى پێكردوه‌و ژماره‌یه‌ك میدیاش له‌نێویاندا میدیا ڕوسیه‌كان هه‌واڵیان له‌وباره‌یه‌وه‌ بڵاوكردۆته‌وه‌.

ساڵى ڕابردوو ژماره‌یه‌كى زۆر كۆچبه‌ر له‌عێراق و هه‌رێمى كوردستانه‌وه‌ رویانكرده‌ بیلاروسیاو هه‌وڵیاندا  ئه‌و وڵاته‌ وه‌ك ده‌روازه‌یه‌ك بۆ چوونه‌ ئه‌وروپا به‌كاربهێنن و ژماره‌یه‌كى زۆریان گه‌یشتنه‌ ووڵاتانى ئه‌وروپاو به‌شێكیان گه‌رانه‌وه‌ عێراق و هه‌رێمى كودستان.
ئ.ق