سەرچاوەیەکی ئاگادار لەبەغدا چارەنووسی مووچەی مانگی حەوتی فەرمانبەرانی ئاشکراکرد و وتی، بەغدا لیستی مووچەی مانگی حەوتی فەرمانبەرانی هەرێمی کوردستانی ڕەتکردووەتەوە.
ئەو سەرچاوەیە بۆ شارپرێس باسی لەوەکرد، بەهۆی ئەو کەموکوڕییانەی لەلیستی مووچەی مانگی حەوتدا هەبوون وەك ناوی دووبارە و دامەزراندن و نەبوونی بایۆمەتری، بەغدا بڕیاریداوە لیستی مووچەی مانگی حەوتی فەرمانبەران بەیەکجاریی ڕەتبکاتەوە و خەرجی نەکات.
ئەو سەرچاوەیەی شارپرێس وتیشی، لەبەرامبەردا حکومەتی هەرێمی کوردستان لیستێکی دیکەی بەناوی لیستی مووچەی مانگی هەشت بۆ بەغدا ناردووە، هاوکات وتیشی "حکومەتی هەرێمی کوردستان بەرپرسە لە فەوتانی مووچەی مانگی حەوت، بەهۆی ئەوەی لیستەکەی بە کەموکوڕییەوە ئامادە کردووە".