شارپرێس:

ئیندریک ئەستێرەی بەڕازیلی‌و یانەی ڕیال مەدرید كه‌ تەمەنى 17 ساڵه‌، هاوسەرگیریی لەگەڵ خۆشەویستەکەی، مۆدێل گابرێل میراندا كه‌ تەمەنى 21 ساڵه‌ ڕاگەیاند، کە ئیندریک لەپێناو هاوسەرگیرییەکەیدا بەچەند مەرجێکی سەیرو نامۆ ڕازیی بوە.

ئەو دوو هاوسەرە لەهەژماری تایبەتیی خۆیان لەتۆڕی کۆمەڵایەتیی ئینستاگرام وێنەی ئاهەنگی هاوسەرگیریەکەیان بڵاوکردوه‌تەوە کە لەژێر وێنەکەدا نوسیویەتی:"ئەوەی خودا پێکەوەی بەستوەتەوە با کەس جیای نەکاتەوەو دواجار هاوسەرگیریمان کرد".

ئەم هەواڵە دوای ئەو هەواڵانە دێت کە پێشتر باسیان لەوەدەکرد، ئیندریک لەپەیوەندییەکەی لەگەڵ میراندا بەهەندێک "مەرجی سەیرو سەمەرە" ڕازیی بوە،  یەکێک لەدیارترینی ئەو مەرجانە یاریی ڤیدیۆیی  "GTA"یە کە ئینریك ڕازیی بوە کە "هاوڕێی کچی مەجازی" لەیارییەکەدا نەبێت.

هەروەک دەوترێت کە یەکێکی تر لەمەرجەکان  کۆمێنت نوسین لەسەر هەژماری کچان لەئینستاگرام لەئینریک قەدەغەکراوە، جگەلەوەش مەرجی ئەوە هاتوە، پێویستە گرێبەستی هاوسەرگیرییەکەیان لەسەر بناغەکانی ڕێزگرتن‌و لێکتێگەیشتن‌و سۆزو خۆشەویستی بونیاد بنرێت.

ئەم وردەکاریانە لەچوارچێوەی پەیوەندییە تایبەتەکەیاندا دێن، کە بەهۆی جیاوازیی تەمەن‌و مەرجەکانی پەیوەست بەوەوە، هەندێک مشتومڕی لەمیدیاکاندا دروستکردوە.

و: ئاکۆ ئاڵی