بەبۆنەی پشووەکانی سەری ساڵەوە، بۆ ماوەی سێ ڕۆژ بازاڕی دراوی سلێمانی ( بازاڕی دۆلارەکە ) دادەخرێت.
جەبار گۆران، ئەنجومەنی بازاڕی دراوی سلێمانی رایگەیاند، لەسەر داوای زۆرینەی بازرگانانی بازاڕی ئاڵوگۆڕی دراو و بەبۆنەی سەری ساڵی نوێوە، بۆ ماوەی سێ رۆژ بازاڕەکە دادەخرێت.
ئەوەشیخستەڕوو، بە پێی بڕیارەکە، بازاڕەکە رۆژانی چوارشەممە، پێنجشەممە و هەینی ئەم هەفتەیە دادەخرێت و رۆژی شەممەی هەفتەی داهاتووش بازاڕەکە بەڕووی بازرگانان و هاوڵاتییان دەکرێتەوە.