شارپرێس:
ئەمەریکا، میسر، قەتەر و تورکیا، ئێوارەی ئەمڕۆ دووشەممە، بەڵگەنامەی ڕێککەوتننامەی ئاشتی غەززەیان واژۆ کرد.
بەڵگەنامەکە لەلایەن دۆناڵد ترەمپ، سەرۆکی ئەمریکا و عەبدولفەتاح سیسی هاوتا میسرییەکەی، ڕەجەب تەیب ئەردۆغان، سەرۆکی تورکیا و شێخ تەمیم بن حەمەد ئال سانی میری قەتەر واژۆ کراوە.
واژۆکردنەکە لە میانی لوتکەی شەرم شێخ بوو کە میسر میوانداریی کردووە، بە ئامادەبوونی ژمارەیەک سەرکردەی وڵاتانی عەرەبی و بیانی ئەنجامدرا.
ترەمپ پێش واژۆکردنەکە وتی "کۆبوونەوەی لوتکەی شەرم شێخ ڕۆژێکی گەورەیە بۆ ڕۆژهەڵاتی ناوەڕاست، بەڵگەنامەکە زۆر گشتگیرە و یاسا و ڕێساکان ڕوون دەکاتەوە".
ئ.ه