شارپرێس:
بارەگای بارزانی ڕایگەیاند، مەسعود بارزانی پێشوازی لە سەرۆکی هاوپەیمانێتی دەوڵەتی یاسا کردووە.
بەگوێرەی ڕاگەیەندراوێک، ڕۆژی شەممە 22ی تشرینی دووەمی 2025 لە پیرمام مەسعود بارزانی پێشوازی لە نوری مالیکی سەرۆکی هاوپەیمانێتی دەوڵەتی یاسا کرد.
دەشڵێت، لە کۆبوونەوەکەدا هەردوولا باسیان لە دەرئەنجامەکانی هەڵبژاردنی ئەنجومەنی نوێنەرانی عێراق و قۆناغی دوای هەڵبژاردن کرد و جەختیان لەوە کردەوە کە پێویستە ئەنجامەکانی هەڵبژاردن بخرێنە خزمەتی خەڵکی عێراق.
هەر لە کۆبوونەوەکەدا ڕۆشنایی خرایە سەر بارودۆخی سیاسیی عێراق و ناوچەکە و هەروەها بڕیار لەسەر بەردەوامیی ئاڵوگۆڕکردنی بیروڕاکان و هەماهەنگیی نێوان لایەنە سیاسیەکانی نێو پڕۆسەی سیاسیی عێراق درا.