شارپرێس:
سیناتۆری کۆماری ئەمریکا لیندسی گراهام پەیامێکی بڵاوکردەوە و هۆشداری بەدیمەشق دەدات.
گراهام دەڵێت، ئەگەر حکومەتی سوریا هەنگاوی سەربازی لە دژی کوردەکانی سوریا و هێزەکانی سوریای دیموکرات بگرێتەبەر، من هەموو هەوڵێک دەدەم بۆ گەڕاندنەوەی سزاکانی یاسای قەیسەر و توندترکردنی.
دەشڵێت، ئەگەر حکومەتی نوێی سوریا هێزی سەربازی بەکاربهێنێت، ئەوا ناسەقامگیرییەکی بەرفراوان لە سوریا و ناوچەکەدا دروست دەکات.
گراهام ڕاشیگەیاند، هەموو ئەو شتانە دەزانم کە پێویستە لەسەر ئەم دەسەڵاتە نوێیە بزانم.