شارپرێس:
بە بڕیارى وەزیرى
خوێندنى باڵا، ماوەى مانەوەى خوێندکاران هەرێم کە لە زانکۆکانى ئێران دەخوێنن بۆ
(2026/4/15) درێژکرایەوە.
وەزارەتی
خوێندنی باڵا و توێژینەوەی زانستی هەرێم بڵاویکردەوە، بەهۆى بەردەوامی بارودۆخی شەڕ
و ناسەقامگیری ناوچەکەو لەپێناو پاراستنی گیانی ئەو خوێندکارانەی هەرێمی کوردستان
کە لە زانکۆکانی کۆماری ئیسلامی ئێران دەخوێنن، بە بڕیارى د. ئارام محمد قادر وەزیرى
خوێندنی باڵا و توێژینەوەی زانستی بریاردرا بە؛
١- درێژکردنەوەی ماوەی مانەوەیان لە هەرێمی
کوردستان لە (2026/3/28) تاکو (2026/4/15).
٢- لە دوای ئەم بەروارە، وەزارەت جارێکى
تر هەڵسەنگاندن بۆ دۆخەکە دەکات و بڕیار و ڕێنمایی گونجاو دەردەکات.
٣- ئەو ماوەیان بە ماوەی مانەوە بۆ هەژمار
دەکرێت و دواتر کێشەى یەکسانکردنى بڕوانامەیان نابێت.