دەربەندیخان – شارپرێس

بەهۆی خراپی کەشوهەوا و بارانبارینی بەخوڕ، بەڕێوەبەرایەتی هاتوچۆی دەربەندیخان هۆشدارییەکی بەپەلە ئاراستەی هاوڵاتییان و شۆفێران دەکات و داوا دەکات بۆ کاری زۆر پێویست نەبێت نەیەنە دەرەوە.

جاسم عەلی خان، بەڕێوەبەری هاتوچۆی دەربەندیخان لە لێدوانێکی تایبەتدا بۆ شارپرێس رایگەیاند،" بەهۆی بارانبارینی زۆر و تایبەتمەندی هەڵکەوتەی جوگرافی ناوچەکەمان، لە ئێستادا مەترسییەکی زۆری داڕوخانی بەرد و دروستبونی لافاو لەسەر ڕێگاکان هەیە."

بەڕێوەبەری هاتوچۆ جەختی لەوەش کردەوە کە بۆ پاراستنی سەلامەتی گیانی و ماڵی هاوڵاتییان، پێویستە ڕەچاوی ئەم خاڵانە بکرێت:

-ئەو کەسانەی ڕێگاکانی دەربەندیخان بەکاردەهێنن پێویستە زۆر بە وریاییەوە مامەڵە بکەن.

-ئەگەر کارێکی زۆر پێویستتان نییە، باشترە لە ماڵەکانتان بمێننەوە تا بارودۆخی کەشوهەوا جێگیر دەبێتەوە، بەتایبەت لە کاتەکانی تاریکی و شەواندا.
-ئەم هۆشدارییە بۆ پاراستنی ژیانی شۆفێران و سەرنشینانە لە هەر روداوێکی نەخوازراو.