شارپرێس:
لەکاتێکدا ناوچەی ڕۆژهەڵاتی ناوەڕاست بەدەست شەپۆلە یەک لەدوای یەکەکانی ئاڵۆزیی سەربازییەوە دەناڵێنێت، عێراق هەنگاوێکی بوێرانە دەنێت بۆ ئەوەی چیتر نەبێتە گۆڕەپانی یەکلاکردنەوەی ململانێ نێودەوڵەتییەکان، ڕاگەیاندنی پێکهێنانی لیژنەی باڵای هەماهەنگی ئەمنی لەنێوان بەغداو واشنتۆن، تەنها ڕێککەوتنێکی تەکنیکی نییە، وهكو بەڵکو شانەی ڕاگەیاندنی ئەمنی ئاماژهى پێكردوه، گوزارشتە لەخواستێکی قووڵ بۆ پاراستنی سەروەریی وڵاتێک کە ساڵانێکی درێژە باجی جەنگە وەکالەتییەکانی داوە.
شانەی ڕاگەیاندنی ئەمنی عێراق بەیاننامەیەکى بڵاوكردوهتهوهو دهڵێت، ئەمڕۆ هەینی لیژنەیەکی هەماهەنگی هاوبەشی باڵا لەنێوان عێراقو ئەمریکا پێکهێنراوە، ئەمەش لەچوارچێوەی هاوبەشی ستراتیژییو ئەو هاوکارییە بەردەوامەی لەنێوان هەردوو وڵاتدا هەیە لەبوارەکانی سیاسیی، ئابورییو ئەمنیدا.
شانهكه باسى لهوهشكردوه، یەکەم کۆبونەوەی لیژنەکە کە لە 26ی ئهم مانگهدا بەڕێوەچوو، هەردولا ڕێککەوتن لەسەر چڕکردنەوەی هاوکارییە هاوبەشەکان بۆ ڕێگریکردن لەهێرشە تیرۆریستییەکانو دەستەبەرکردنی ئەوەی کە خاکی عێراق نەکرێتە خاڵێک بۆ دەستپێکردنی هیچ هێرشێک کە گەلی عێراق، هێزە ئەمنییەکان، یان دامەزراوەو سەروەتە ستراتیژییەکان بکاتە ئامانج، جگە لەپاراستنی کارمەندانی ئەمریکی، نێردە دیپلۆماسییەکانو هێزەکانی هاوپەیمانی نێودەوڵەتی.
وهكو شانهى ڕاگهیاندنى ئهمنیى ئاماژهى پێكردوه وەک خاڵێکی وەرچەرخان لەپەیوەندییەکانی هەردولادا، عێراقو ئەمریکا پەیامێکی ڕونیان ئاڕاستەی جیهان کردوه ئهویش، "خاکی عێراق هێڵی سورە"، ڕێککەوتنەکە جەخت لەوەدەکاتەوە، نابێت چیتر ئاسمان، ئاوو خاکی عێراق ببێتە سەکۆیەک بۆ هێرشکردنەسەر وڵاتانی دراوسێ، یان ببێتە ئامانجی هێرشە دەرەکییەکان.
ئهوهش هاتوه، "هەردولا پابەندبونی خۆیان بۆ هەماهەنگی هەوڵەکانی بەرەنگاربونەوەی تیرۆر نوێکردوەتەوە، بەجۆرێک ئەولەویەت بدرێت بەڕۆڵى عێراق لەبەدیهێنانی ئامانجە هاوبەشەکانو بەشداریکردن لەبەهێزکردنی سەقامگیرییو پاراستنی سەروەریی وڵاتدا".
