شارپرێس:

وەزارەتی دارایی و ئابوری هەرێم رایدەگەیەنێت، ئەمڕۆ سێشەممە، لیستی موچەی مانگی نیسان‌و ڕاپۆرتی تەرازوی پێداچونەوە ڕەوانەی بەغدا دەکرێت .

وەزارەتی دارایی و ئابوری هەرێم لەڕاگەیەنراوێکدا ئاماژەی بەوەکرد، ئێوارەی ڕۆژی سێشەممە  ( ٢١ ی نیسانی ٢٠٢٦) لیستی موچەی مانگی نیسانی فەرمانبەران و موچەخۆرانی هەرێمی کوردستان و ڕاپۆرتی تەرازوی پێداچوونەوەی مانگی ئازار لەلایەن تیمی تەکنیکی وەزارەتی دارایی و ئابوری هەرێمی کوردستانەوە ڕەوانەی بەغداد دەکرێت".

ئەوەشیخستەڕوو، سبەی چوارشەممە ڕادەستی فەرمانگەی ژمێریاری وەزارەتی دارایی حکومەتی فیدراڵ دەکرێت.

ئەمەش لەکاتێکدایە، دوێنێ دوشەممە، وەزارەتی دارایی عێراق دەستی بە دابەشکردنی موچەی مانگی چواری فەرمانبەرانی خۆی کرد.