شارپرێس:

وەزارەتی نەوتی عێراق سزادانی عەلی بەهادلی، بریاری وەزارەتەکە لەلایەن وەزارەتی گەنجینەی ئەمریکا رەتدەکاتەوەو دەڵێت، رێز لەیاسا دەگرن و ئامادەن بۆ هەر لێکۆڵینەوەیەکی دادپەروەرانە لەو پرسەدا.

وەزارەتی نەوتی عێراق لەڕاگەیەنراوێکدا لەبارەی سزادانی بریکاری وەزارەتەکەی ئاماژەی بەوەکرد،" پێویستە پشت بە بەڵکە و دیکیۆمێنت ببەسترێت بۆ مامەڵەکردن لەسەرجەم پرسەکاندا و تۆمەتەکان دوربن لەهەر لێکدانەوە و حیساباتێکی دیکە ".

ئەوەشیخستەڕوو،" سەرباری رەتکردنەوەی ئەو تۆمەتانەی وەزارەتی گەنجینەی ئەمریکا، بەڵام ئامادەیی تەواومان هەیە بۆ هەماهەنگی و ئەنجامدانی هەر لێکۆڵینەوەیەکی دادپەروەرانە، ئەوەش لەچوارچێوەی باوەڕمان بە رۆڵی دادگای عێراقی و دەستەی دەستپاکی و هەروەها رێزگرتن لە دامودەزگاکانی وڵاتەکە ".

وەزارەتی نەوت رونیکردنەوە،" پرۆسەی هەناردەکردنی نەوتی خام و بەبازاڕکردن و گواستنەوەی ئەرکی بریکاری وەزارەتی نەوت بۆ کاروباری دابەشکردن نییە، بەڵکو لایەن و کۆمپانیای تایبەتمەند بەو بوارە بەو ئەرکە هەڵدەستن ".