شارپرێس:

پارێزگاری حەسەکە پەیامێک لەبارەی رۆژی زمانی کوردی بڵاودەکاتەوەو دەڵێت، زمانی کوردی مافێکی رەسەنە و بەشێکی سەرەکییە لە ناسنامە و مانەوەی گەلی کورد.

نورەدین ئەحمەد، پارێزگاری حەسەکە لەپەیامێکدا کە لە سەکۆی "ئێکس" بڵاویکردەوە، ئاماژەی بەوەکردوە،" زمانی کوردی بەتەنها میراتێکی رۆشنبیری نییە، بەڵکو مافێکی رەسەنە و پشتگوێخستن و لەناوبردنی قبوڵنەکراوەو بەشێکی دانەبڕاوە لە ناسنامە و بونمان ".

ئەوەشیخستەڕوو، کارەکان بەردەوامن بۆ پاراستنی زمانی کوردی و مانەوەی بۆ نەوەکانی داهاتوو.

پارێزگاری حەسەکە وتیشی،" زمانی کوردی بۆ دەیان ساڵ بەڕوی هەوڵەکانی سڕینەوە وەستایەوەو و بە ئیرادەی بەهێزی گەلەکەی بەزیندویی ماوەتەوەو لەسەرجەم بوارەکانی ژیاندا بونی هەیە ".