شارپرێس:

میدیاکانی ئێران ئاشکرایانکرد کە ئێران لە بەندەری جاسک لە پارێزگای هورمزگان دەستی بە بارکردنی نەوت کردووە، ڕێگایەک کە تاران بۆ تێپەڕاندنی گەرووی هورمز و درێژەدان بە هەناردەکردنی نەوت لە ئەگەری لەدەستدانی دوورگەی خارک وەسفی دەکات.

بەگوێرەی زانیارییەکان، بارکردنەکە لە ڕێگەی بۆریی گۆرە-جاسکەوە ئەنجام دەدرێت، کە توانای ڕۆژانەی یەک ملیۆن بەرمیل نەوتی هەیە و ئەگەری هەڵگرتنی تا 10 ملیۆن بەرمیل لە تانکیەکانیدا هەیە. ئەم ڕێگایە بە تەواوی لە ناو خاکی ئێراندا تێدەپەڕێت و وابەستەی گەرووی هورمز نییە.

میدیاکانی جیهان ئەم هەنگاوەیان بە نیشانەی بەردەوامی بەرهەمهێنانی نەوتی بەردەوام وەسف کرد و وەک بەدیلێک بۆ دوورگەی خارک ناساندیان لە ئەگەری لەدەستدانیدا، تا سەرچاوەی دووەمی فرۆشتنی نەوت بە چالاکی بمێنێتەوە. شایانى باسە کە بۆری گۆرە-جاسک درێژترین بۆری نەوتە لە ڕۆژهەڵاتی ناوەڕاستدا و درێژییەکەی نزیکەی هەزار کیلۆمەتر دەبێت.

جێگەى ئاماژە پێدانە، گەمارۆی دەریایی ئەمریکا بەسەر هەناردەى نەوتى ئێران لە ١٤ی نیسانی 2026ەوە  دەستیپێکردووە و هەموو بەندەر و ناوچە کەنارییەکانی ئێران لە کەنداو و دەریای عومان دەگرێتەوە.