شارپرێس:
سوپای پاسدارانی ئێران جەختی لەوە کردەوە کە دوژمن ناچارە ئەو ڕێسا نوێیانە قبوڵ بکات کە لە لایەن گەل و هێزە چەکدارەکانی ئێرانەوە سەپێنراون، بەتایبەتی سەبارەت بە بەڕێوەبردن و کۆنترۆڵکردنی گەرووی هورمز.
لە بەیاننامەیەکدا بە بۆنەی ساڵڕۆژی کۆچی دوایی خومەینی سوپای پاسداران ڕایگەیاندووە کە بوونی خەڵک لە شەقامەکاندا بڕبڕەی پشتی شەڕ و قەڵای دیپلۆماسی و فاکتەری پێویست بۆ گەیشتن بە سەرکەوتنێکی تەواو و چارەنووسسازە.
لە بەیاننامەکەدا ئاماژە بەوەشکراوە، ئێرانییەکان هەرگیز تەسلیمی وەهم و فێڵ و زاراوەی هەڵبەستراو و دەستکەوتە دروستکراوەکانی دوژمن نابن.
سوپای پاسداران جەختی لەوە کردەوە کە بەرخۆدان بە هێزەوە تا نەهێشتنی یەکجاری پیلانگێڕییەکان و دەرکردنی هێزە بیانییەکان لە ڕۆژئاوای ئاسیا و ڕزگارکردنی قودس لە ڕێگەی لەناوچوونی ئیسرائیل درێژە بە ڕێگای خۆی دەدات.
هێمای بۆ ئەوەش کرد کە بە سەرنجدان بە بارودۆخی مەترسیدار و هەستیاری ئێستای وڵات جیهان چاوی لە شکۆمەندی و گەورەیی ڕووبەڕووبوونەوەی ئێران لەگەڵ مەیل و تاوانەکانی ئەمریکا و ئیسرائیلە لەشەڕی سەپێنراودا.