شارپرێس:
بڕیارە لەم هەفتەیەدا سێ شاندی جیاوازی هەرێمی کوردستان سەردانی
بەغدا بكەن، ئامانجی سەرەکی سەردانەکەش کەمکردنەوەی رادەستکردنی 120 ملیار دیناری داهاتی
ناوخۆیە، کە بەهۆی گرژییەکانی ناوچەکەوە داهات کەمیکردوە.
میدیای فەرمی یەکێتی بڵاویکردوەتەوە،" یەكەم شاند كە
نوێنەرایەتیی لایەنی دارایی هەرێمی كوردستانە، بڕیارە ئەمڕۆ سەردانی بەغدا بكات، ڕۆژی
یەكشەممە دەست بە كۆبونەوەكانی دەكات لەگەڵ وەزارەتی دارایی عیراق".
ئەوەشیخستەڕوو، تەوەری سەرەكیی گفتوگۆكانیشیان پرسی پێداچونەوە
و كەمكردنەوەی بڕی ناردنی 120 ملیار دیناری
مانگانەی داهاتی نانەوتیی كوردستانە بۆ بەغداد كە پێشتر حكومەتی هەرێم ڕایگەیاندوە
بەهۆی كەمبونەوەی داهاتی نانەوتیی و دەروازە سنورییەكان توانای دابینكردنی نیوەی ئەو
پارەیەی هەیە.