شارپرێس:

کەمێک لەمەوبەر گەنجێکی بەڕەچەڵەک تورک لەئاوی دوکان خنکا و لەئێستادا تیمەکانی بەرگری شارستانی بەدوای تەرمەکەیدا دەگەڕێن.

بەگوێرەی ئەو زانیارییانەی دەستی شارپرێس کەوتوە، ئەو کەسەی گیانی لەدەستداوە تەمەنی 20 ساڵە و ناوی عەبدوڵا نازمە، خەڵکی وڵاتی تورکیایە و نزیکەی پێنج ساڵە لەناحیەی پیرەمەگرونی سەر بە قەزای دوکان نیشتەجێی و پیشەی فیتەرە.

شارپرێس زانیویەتی، تاکو ئێستا نەتوانراوە تەرمی ئەو گەنجە خنکاوە بدۆزرێتەوەو تیمەکانی مەلاوانی و بەشێک لەخەڵکی ناوچەکە بەدوای تەرمەکەیدا دەگەڕێن.