شارپرێس:

وەزیری گەنجینەی ئەمریکا رایدەگەیەنێت، لەماوەی چەند کاتژمێری داهاتودا ئەگەری رێککەوتنی هەرسێ وڵاتی ئێران، عوممان و ئەمریکا لەبارەی کردنەوەی گەروی هورمز هەیە.

سکۆت کینیس، وەزیری گەنجینەی ئەمریکا لەلێدوانێکدا ئاماژەی بەوەکرد،" پێشبینی دەکەم ئەمڕۆ یان سبەی، رێکەوتنێکی ئاگربەست بۆ ماوەی 30 تا 60 لەنێوان ئەمریکا و ئێران بەنێوەندگیری عوممان واژۆ بکرێت ".

رونیشیکردەوە، لە ماوەی ئاگربەستدا گەروی هورمز بەڕوی کەشتییە بازرگانییەکان و نەوتهەڵگرەکان دەکرێتەوە.


وەزیری گەنجینەی ئەمریکا باسی لەوەشکرد،" بەهۆی فشارەکانی ئەمریکا، ئێران توشی هەڵاوسانێکی گەورە بوەتەوە، بەجۆرێک کە نرخی خۆراک بەرێژەی 150% تا %180 بەرزبوەتەوە ".

هاوکات، ماڵپەڕی "ئاکسیۆس"ی ئەمریکی ئاشکرایکردوە،" پێشبینی دەکرێت ئەنجومەنی باڵای ئاسایشی نەتەوەیی ئێران رەزامەندی لەسەر پرۆژەکەی ئەمریکا و عوممان بدات ".