شارپرێس:

بەڕێوەبەرایەتی بەرگری شارستانی سعودیە رایگەیاند، بەهۆی بونی مەترسی ئەمنییەوە زەنگی ئاگادارکردنەوە لەشاری ریازی پایتەختی سعودیە لێدرا.


بەڕێوەبەرایەتی بەرگری شارستانی سعودیە چەند رێنماییەکی خۆپارێزی بۆ هاوڵاتییان و دانیشتوانی وڵاتەکەی بڵاوکردوەتەوەو دەڵێت، لەکاتی لێدانی زەنگی ئاگادارکردنەوە، پێویستە پابەندی ئەم رێنماییانە بن:

-هێمن بن و پابەند بن بە رێنماییە فەرمییەکان

-بەزوترین کات بچنە نزیکترین شوێنی سەلامەت لە ناو باڵەخانە و ژورەکانی دور لە پەنجەرەکان

-تاکو کۆتاییهاتنی مەترسییەکە لەماڵ و باڵەخانەکان نەچنە دەرەوە

-دوربکەنەوەو لەشوێنە ئاشکراکان و لەبالەکۆن و سەربانەکان مەوەستن

-ئەگەر لەکاتی شۆفێریکردن زەنگی ئاگادارکردنەوەت پێ گەیشت، ئۆتۆمبێلەکە رابگرە و لەشوێنێکی دور لە پرد و باڵەخانە بەرزەکان بوەستە