شارپرێس:

کەشناسی هەرێم پێشبینی دەکات سبەی سێشەممە ئاسمانی هەرێم هەوری تەواو بێت لەگەڵ دەستپێکردنی باران کە هەندێ جار هەورە بروسکەی لەگەڵ دەبێت لەکاتەکانی بەیانیدا.

بەڕێوەبەرایەتی کەشناسی و بومەلەرزەزانی هەرێم لەڕاگەیەنراوێکدا دەڵێت،" سبەی لەناوچە شاخاوییەکانی باکوری هەرێم، پارێزگای دهۆک و زاخۆ  و پاشان لەکاتەکانی نیوەڕۆدا  کاریگەریی بارانبارین بە لاوازی دەرێژ دەبێتەوە بۆ سەر  ئیدارەی سۆران و ڕاپەڕین هەولێر و ناوچە شاخاوییەکانی و سلێمانی و هەڵەبجە و بەشێک لە ناوچەکانی گەرمیان ".

ئەوەشیخستەڕوو، لەکاتەکانی ئیوارەدا کەش ئاسایی دەبێتەوە و  ئاسمانی هەرێم دەگۆڕێت بۆ پەڵەهەور و نیمچە هەور و بەرزترین پلەکانی گەرمی (2-3) نزم دەبێتەوە بە بەراورد بە پلەکانی گەرمی ئەمڕۆ.