بارزانی رەتیدەكاتەوە ئەردۆغان داوای پاشگەزبوونەوەی ریفراندۆمی لێكردبێت

sharpress.net

276 جار خوێندراوه‌ته‌وه

10/08/2017‌

شارپرێس:
مەسعود بارزانی رەتیكردەوە، كە رەجەب تەیب ئەردۆغانی سەرۆك كۆماری توركیا داوای پاشگەزبوونەوەی بڕیاری ریفراندۆمی سەربەخۆیی هەرێمی كوردستانی لێكردبێت.

مەسعود بارزانی لەمیانی چاوپێكەوتنێكی رایگەیاند "رەجەب تەیب ئەردۆغان هیچ داوایەكی ئاراستە نەكردووم، بۆ ئەوەی ئێمە لەبڕیاری ریفراندۆم پاشگەزببینەوە".

بارزانی جەختیشیكردەوە، پەیوەندییەكی باشی لەگەڵ رەجەب تەیب ئەردۆغان هەیەو رێزیش لەو پەیوەندییە دەگرن‌و راشیگەیاند "بەردەوامی پەیوەندییەكان سوودی بۆ هەردوولا هەیە".

ئەمە لەكاتێكدایە ماوەی رابردوو دوای ئەوەی بڕیاری ئەنجامدانی ریفراندۆم درا، رەجەب تەیب ئەردۆغان كاردانەوەی نواندو بڕیارەكەی بە "هەڵەیەكی گەورە" ناوبردو راشیگەیاند "داوای لەمەسعود بارزانی كردووە لەبڕیارەكە پاشگەزببنەوە".

مەسعود بارزانی‌و بەشێك لەلایەنە سیاسییەكان رۆژی 7 حوزەیرانی رابردوو بڕیاریاندا رۆژی 25/9/2017 ریفراندۆم ئەنجامبدەن، كە ئەمە كاردانەوەی جۆراوجۆری بەدوای خۆیشدا هێناو كاردانەوەكانیش بەردەوامە.

هـ ـ ح




بابەتی لێکچوو



ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved