شاجوانی شارێكی ئەمەریكا بەهۆی تێكشكانی فرۆكەوە گیانی لەدەستدا

هەمەڕەنگ

10/07/2019‌ 527 جار خوێندراوه‌ته‌وه

شارپرێس:
بەهۆی تێكشكانی فرۆكە بچووكەكەیەوە شاجوانی شارێكی ئەمەریكا گیانی لەدەستدا ، ئەوەش پێش چەند هەفتەیەك لەبەڕێوەچوونی پێشبڕكێی هەڵبژاردنی شاجوان لەسەر ئاستی ئەمەریكا، كە وابڕیار بوو  ئەویش بەشداری تێدا بكات .

دەزگاكانی راگەیاندنی ناوخۆیی لە شاری ستاركفیڵ لەویلایەتی مسیسسیپی رایانگەیاند، رووداوی كەوتنە خوارەوەی فرۆكەكە یەك قوربانی لێكەوتووەتەوە ئەویش كچێكە بەناوی "لیك لیتڵ"ی تەمەن ١٨ ساڵ، كە خۆی فرۆكەكەی لێخوڕیوە .

پێش كەوتنەخوارەوەی لە یاریگایەكی گۆڵف ، فرۆكە بچووكەكەی "لیك" گڕی گرتووە و بەهۆیەوە بەشێكی زۆری جەستەی سووتاندووە ، بەهۆیەوە دوای گواستنەوەی بۆ نەخۆشخانە گیانی لەدەستداوە .

لیك وەك "شاجوانی میوانداری" لە شارەكەی خۆی تاجی خراوەتە سەر ، بەرنامەی ئەوەشی هەبووە لەكۆتایی ئەم مانگە بەشداری پێشبڕكێی شاجوانی لەسەر ئاستی ویلایەتەكەی خۆی بكات .

وەرگێڕان: ئاكۆ عەبدوڵڵا ئاڵی