شارپرێس:

لەسەرەتای بڵاوبوونەوەی ڤایرۆسی کۆڕۆنا لەسەرانسەری جیهاندا، خەڵک دەستیان کرد بە پاککردنەوەی هەموو ئەو شتانەی دەستیان بەریدەکەوێت، پێیان وابوو بەوە لە تووشبوون بە ڤایرۆسی کۆڕۆنا پارێزراو دەبن .

لەسەرەتادا راپۆرتە زانستییەکان باسیان لەوە دەکرد کە ڤایرۆسی کۆڕۆنا لەڕێگای رووە پیسەکانەوە دەگوازریتەوە، کە ئەمەش پێویستی بەوە دەکرد مرۆڤ لەهەموو ئەوانە بەئاگا بێت کە رۆژانە دەستیان لێدەدات .

دوای ئەوە ڕێکخراوی تەندرووستی جیهانی و ناوەندەکانی بەرەنگاربوونەوەی نەخۆشییەکان وتیان ڤایرۆسی کۆڕۆنای نوێ بەشێوەیەکی سەرەکی لەکەسێکەوە بۆ کەسێکی تر و ڕێگای تەنۆکە بچووکەکانی ناو هەواوە دەگوازرێتەوە .

لەگەڵ ئەوەشدا پسپۆڕان سوور بوون لەسەر ئەوەی کە پێویستە دەستک و رووی شتەکان بسڕدرێنەوە، بەوپێیەی ئەو پرۆسە بەشێک لە هۆکاری تووشبوون بە نەخۆشییەکە دەمانپارێزێت .

لەوبارەیەوە رۆژنامەی واشنتۆن پۆستی ئەمەریکی لەسەر زاری ئیناموئێڵ گۆڵدمانی مامۆستای زانستە وردەکان لە زانکۆی پزیشکی نیوئارک لە ویلایەتی نیوجێرسییەوە گواستوویەتی کە وتویەتی " کێشە سەرەکییەکە لە پیسبوونی ڕووی شتەکاندا نییە".

هەروەک وتویەتی " زیادەرەویکردن لە پاککردنەوە دەگۆڕێت بۆ ترس و دواتر هەستێکی ساختەی دڵنیایی و ئاسوودەیی دەروونی بە کەسەکە دەبەخشێت ".

گۆڵدمان جەختی کردۆتەوە لەسەر پێویستی گرنگیدان بە ڕێگا سەرەکییەکانی گواستنەوەی نەخۆشییەکە، کە دەبێت خەڵک گرنگی بە دەمامک کردن بدەن و نێوانی خۆیان و بەرانبەرەکەیان بەدووری بهێڵنەوە و لە شوێنە داخراوەکان دووربکەونەوە".

ئیمانوئێڵ دەشڵێت، پاککردنەوە دەبێت لەسنوورێکی گونجاودا بێت ئەگەر ناو دەبێت بە نەخۆشیی.
وەرگێڕان : ئاکۆ ئاڵی