شارپرێس:
کۆمەڵەی ئەڵمانی بۆ نەخۆشانی
شەکرە ڕێنماییانداوە بەوەی تووشبووانی نەخۆشییەکە ئەو جۆرە میوانە هەڵبژێرن کە
ڕێژەی شەکریان کەمە وەک سێو و توو، هەروەک دەستبەرداربوون لە خواردنی میوە
پڕشەکرەکانی وەک مۆز و ترێ، تاوەکو لەبەرزبوونەوەی ڕێژەی شەکری ناو خوێنیان بەدوور بن.
کۆمەڵەکە ئاماژەی بۆ
ئەوەش کردووە کە تووشبووانی شەکرە دەبێت خواردنی میوە وشککراوەکانیش کەمبکەنەوە
لەبەرئەوەی بڕێکی زۆر شەکریان لەخۆگرتووە و وەکو مرەبای میوەکانن و دەبێت حیسابی
شیرینییەکانیان بۆ بکرێت .
بەگشتی ئەوەی بیەوێت
پێرەوی سیستەمێکی خۆراکیی تەندرووست و هاوسەنگ بکات ئەوە دەبێت رۆژانە سێ وەجبە
سەوزە و دوو وەجبە میوە بخوات مەبەستیش لە وەجبەیەک میوە سێوێکی مامناوەند و
وەجەبەیەک سەوزەش مشتێکی پر لە سەوزەیە .
نەخۆشی شەکرە کە
هۆکاری سەرەکی پەککەوتنی گورچیلەکان و کوێربوون و جەڵتەی دڵ و سەکتەی مێشک و بڕینی
پەلەکانی خوارەوەیە، بەپێی دواین ئاماری ڕێکخراوی تەندوروستیی جیهانی ژمارەی
تووشبووانی نەخۆشییەکە لەسەرانسەری جیهاندا گەیشتۆتە زیاتر لە ٤٢٢ ملیۆن کەس،
لەکاتێکدا لەساڵی ١٩٨٠ ئەو ژمارەیە ١٠٨ ملیۆن تووشبوو بووە.
وەرگێڕان : ئاکۆ ئاڵی