مه‌سرور بارزانی و هه‌ڤاڵ ئه‌بوبه‌كر له‌باره‌ی پارێزگای سلێمانییه‌وه‌ كۆده‌بنه‌وه‌

کوردستان

23/02/2021‌ 2042 جار خوێندراوه‌ته‌وه

شارپرێس:
سه‌رۆكی حكومه‌تی هه‌رێمی كوردستان له‌گه‌ڵ پارێزگاره‌كانی سلێمانی و هه‌ڵه‌بجه‌ له‌باره‌ی پڕۆژه‌ خزمه‌تگوزارییه‌كان كۆده‌بێته‌وه‌.

د. هه‌ڤاڵ ئه‌بوبه‌كر بڵاویكرده‌وه‌، "بەسەرپەرشتیی  مەسرور بارزانی سەرۆکی ئەنجومەنی وەزیرانی هەرێمی کوردستان و قوباد تاڵەبانی جێگری سەرۆکی ئەنجومەنی وەزیران و  وەزیرانی دارایی و ئابوریی و پلاندانان و سەرۆکی دیوانی سەرۆکایەتیی ئەنجومەنی وەزیران و پارێزگاری پارێزگاکانی سلێمانی هەڵەبجەو فەرمانگا پەیوەندیدارەکانی  ئەنجومەنی وەزیران، لە ڕێی ڤیدیۆ کۆنفرانسەوە تایبەت بە بوارە کارگێڕیی و دارایی و خزمەتگوزاریی و پڕۆژەکانی پارێزگاکانی سلێمانی و هەڵەبجەو ئیدارە سەربەخۆکانی گەرمیان و ڕاپەڕین کۆبونەوە.

ده‌قی ڕاگه‌یه‌ندراوی كۆبوونه‌وه‌كه‌:

ئەمڕۆ، بەسەرپەرشتیی  مەسرور بارزانی سەرۆکی ئەنجومەنی وەزیرانی هەرێمی کوردستان و قوباد تاڵەبانی جێگری سەرۆکی ئەنجومەنی وەزیران و  وەزیرانی دارایی و ئابوریی و پلاندانان و سەرۆکی دیوانی سەرۆکایەتیی ئەنجومەنی وەزیران و پارێزگاری پارێزگاکانی سلێمانی و هەڵەبجەو فەرمانگا پەیوەندیدارەکانی  ئەنجومەنی وەزیران، لە ڕێی ڤیدیۆ کۆنفرانسەوە تایبەت بە بوارە کارگێڕیی و دارایی و خزمەتگوزاریی و پڕۆژەکانی پارێزگاکانی سلێمانی و هەڵەبجەو ئیدارە سەربەخۆکانی گەرمیان و ڕاپەڕین کۆبونەوە، لە کۆبونەوەکەدا بە ڕونیی و بە وردیی و دلسۆزانەو بەرپرسانە ڕاپۆرتی هاوبەشی سەرۆکایەتیی دیوانی ئەنجومەنی وەزیران و پارێزگاو یەکەکارگێڕییەکان و داواکارییە کارگێڕیی و دارایی و خزمەتگوزاریی و سەرمایەگوزاریی و پەرەپێدانەکانی هەموو یەکە کارگێڕیی و فەرمانگاکان؛ 
گفتوگۆیان لەسەر کرا، بە سوپاسەوە هەموو ئەو پێشنیازو داواکارییانەی لە ڕاپۆرتە هاوبەشەکاندا گەڵاڵەکرابوون؛ لەلایەن بەڕێزان سەرۆکی ئەنجومەنی وەزیران و جێگری سەرۆکی ئەنجومەنی وەزیران و وەزیرە بەڕێزەکانەوە؛ پەسەندکران و بوون بەبڕیار.
ئەو سێکتەرو بوارانەی لەم ڕاپۆرتانەدا بۆ ساڵی ۲٠۲۱ پەسەندکراون دەتوانن بەشی زۆری داخوازیی و پێداویستییە زۆر پێویستەکانی دامەزراوە دەوڵەتییەکان دابین بکەن بۆ ئەوەی بتوانن خزمەتی زیاتری هاووڵاتیان بکەن.