شارپرێس:
كۆمپانیای نێتفلێكسی تایبەت بە گەڕان لە تۆڕی
ئینتەرنێت رایگەیاند، زنجیرەیەكی بەڵگەییمان لەسەر ژیانی مایكڵ شوماخەری شۆفێری
پێشووی قۆرمۆلا وەن ئامادەكردووە و لە مانگی 9 پێشكەشی دەكەین.
كۆمپانیاكە ئاماژەی بەوە كردووە، زنجیرە
بەڵگەییەكە لەسەر رەزامەندی خێزانی شوماخەر ئامادە كراوە، لە زنجیرەكە لێدوانی
هاوژین و منداڵەكانی لە نێوانیان میك شوماخەری شۆفێری ئێستای فۆرمۆلا وەن و هاوڕێ
شۆفێرەكانی وەرگیراوە.
پاش ئەوەی لە ساڵی 2013 و لە خلیسكێنەی سەربەفری
وڵاتی فەڕەنسا شوماخەر توشی پێكانێكی مەترسیداری سەر بوو بەهۆیەوە چووە باری نائاگاییەوە، تا ئێستا بە هیچ جۆرێك
بە ئاشكرا دەرنەكەوتووە و خێزانەكەی هیچ شتێك لە بارەی تەندروستی ئەوەوە ناڵێن.
مایكڵ شوماخەری ئەڵمانی تەمەن 53 ساڵ، پێشتر
لە پاڵەوانێتی فۆرمۆلا وەن شۆفێری ئۆتۆمبێلی فیراری و مارسێدیس بووە و خاوەنی 7
پاڵەوانێتی جیهانییە.
رەنج رەسول