شارپرێس:
ئەمڕۆ چوارشەممە، جوتیار عادل وتەبێژى حکومەتى هەرێمى کوردستان لە کۆنگرەیەکى رۆژنامەوانیدا رایگەیاند"هۆکارى خاوبوونەوەى دابەشکردنى موچەى فەرمانبەران هەندێکجار بۆ گرفتى سیولە دەگەڕێتەوە".
وتەبێژی حکومەت ئومێدیخواست کە پڕۆسەى دابەشکردنى موچە خاونەبێتەوە و دابەشکردنى دوانەکەوێت و جەختیکردەوە کە حکومەت هەموو هەوڵى خۆیداوە بۆ ئەوەى بتوانێت لەو کاتەى کە دیارى کردووە و لەو مەودایەى کە دایناوە بۆ دابەشکردنى موچەى سەرجەم وەزارەتەکان دوانەکەوێت و لەوادەى خۆى دابەشى بکات.
جوتیار عادل ئاشکراشى دەکات کە هەندێجار گرفتى نەبوونى پارەى پێویستیان هەیە بۆ دابەشکردنى موچە و جەختیکردەوە کاردەکەن بۆ ئەوەى سستى نەکەوێتە ئەو پرسەوە.
بڕیار بوو لە ٢٥ی ئەم مانگە مووچەی سەرجەم وەزارەتەکان دابەش بکرێت، بەڵام تائێستا مووچەی کەمتر لە پێنج وەزارەت دابەش کراوە.
س.هـ