پاش ئاشكرابوونی خیانەتی هاوسەرگیری ئەبیداڵ داوای لێبوردن دەكات

وەرزش

24/11/2021‌ 60 جار خوێندراوه‌ته‌وه

شارپرێس:

بەهۆی ئاشكرابوونی خیانەتی هاوسەرگیرییەوە ئیریك ئەبیداڵی ئەستێرەی پێشووی فەڕەنسا و یانەی بەرشەلۆنە داوای لێبوردن لە حەیاتی هاوژینی دەكات.

پاش ئەوەی دەركەوت ئەبیداڵ خیانەتی كردووە، لە هەفتەی رابردووەوە حەیات دەستیكردووە بە ئەنجامدانی مامەڵەی جیابوونەوە.

ئەبیداڵ لە تۆڕی كۆمەڵایەتی ئینستیگرام نوسیویەتی، حەیات، داوای لێبوردنت لێدەكەم. ئەگەر لە منیش نەبوریت هەر یەكەم ئافرەتی ژیانی من و دایكی منداڵەكانمیت.

ئەبیداڵ هیوادارە هاوسەرەكەی بیبورێت و نوسیویەتی، ان شاء الله رۆژێك لێم خۆشدەبیت.

حەیات ئەبیداڵی بە نەژاد جەزائیری هەفتەی پێشوو رایگەیاند، دەیەوێت لە ئەبیداڵ جیاببێتەوە، پاش ئەوەی بۆی دەركەوتوە كە پەیوەندی سۆزداری لەگەڵ خیرە حەمراوی یاریزانی پاریس سان جێرمان هەیە.

رەنج رەسول