شارپرێس
ئەندامێکى پەرلەمانى
عێراق ڕایگەیاند، دەست بەسەراگرتنی مووچەی مانگی دووی خەڵکی کوردستان و دابەش نەکردنی
لەم مانگە پیرۆزەدا درێژەدانە بە سیاسەتی برسیکردن و دەشڵێت: عێراق لەپشودا دەوامی
کرد تا پارەی موچەی خەڵکی هەرێمی نارد، کەچی هەرێم دەستی بەسەردا گرتووە.
سۆران عومەر، ئەندامى
پەرلەمانى عێراق لە پەیجى خۆى لە فەیسبوک نوسیویەتى: عێراق لەپشودا دەوامی کرد تا
پارەی موچەی خەڵکی هەرێمی نارد، کەچی هەرێم دەستی بەسەردا گرتووەو دابەشی ناکات.
ئەو پەرلەمانتارە ئاماژەى
بەوەکردووە، دوا موچە کەدابەشکراوە موچەی مانگی ٩ی ساڵی ٢٠٢٣ و موچەی مانگی یەکی ئەمساڵ
بووە کە ئەمڕۆ ناوەڕاستی مانگی سێیە و نوسیویشیەتى: دەست بەسەراگرتنی مووچەی مانگی
دووی خەڵکی کوردستان و دابەش نەکردنی لەم مانگە پیرۆزەدا درێژەدانە بە سیاسەتی برسیکردن
و چەوساندنەوەی خەڵک.
دەشپرسێت، ئەوە ویژدانتان
ئازارتان نادات کەخەڵکتان بەم دۆخە گەیاندووەو دەستان بەسەر موچەکەیدا گرتووە؟ ئێوە کەپێویستان بەموچە نییە تێ ناگەن لەنەبونی
و هەژاری و برسێتی، تێ ناگەن لەئازاری گیرفان بەتاڵی و قەرزاریی، تێ ناگەن لەوەی
منداڵێکتان کەئارەزوی خواردنێک ئەکات و بۆت دابین ناکرێ چۆن ئەمریت؟
دوێنێ لە کۆبونەوەى
ئەنجومەنى وەزیرانى هەرێمدا، بڕیاردرا موچەى موچەخۆرانى هەرێم دابەشنەکرێت،
لەکاتکدا عێراق نزیکەى٦٠٠ ملیار دینارى بۆ موچە ڕەوانەى هەرێم کردووە.