ئەمڕۆ پێنجشەممە، نەعیم قاسم، جێگری سكرتێری گشتیی حیزبوڵای لوبنان، ڕایگەیاند بڕیاری وەڵامدانەوەی ئیسرائیل دراوە و ئەوەش ڕوودەدات.

نەعیم قاسم سەردانی ئامۆس هۆكستین نوێنەری ئەمریكای بۆ لوبنان بە نمایش وەسف كرد و ئاماژەی بەوەشكرد "هیچ پێشنیارێكی تایبەتی ئەمریكی نییە".

جێگری سكرتێری گشتیی حزبوڵای لوبنان ڕایگەیاند، "ئەمریكا دەیەوێت نیشانی بدات كە لە جوڵەدایە، بەڵام لە بۆشاییدایە، هێشتا پڕۆژەیەك نییە".

هاوكات كەناڵی 13ی ئیسرائیل ڕایگەیاند، "ئیسرائیل ئێستا هەڵسەنگاندن بۆ ئەوە دەكات كە حزبوڵای لوبنان بڕیاریداوە وەڵامی تیرۆركردنی فوئاد شوكر جێگری ڕێبەری حیزبوڵای لوبنان بداتەوە یان نا".

ئاماژەی بەوەشكرد: ڕەنگە دوای كۆتایی هاتنی سەردانەكەی  نوێنەری ئەمریكا هێرش بكاتە سەر ئیسرائیل، بەڵام هێشتا ئامانجەكانی دیاری نەكردووە.