محه‌مه‌د شیاع سودانى سه‌رۆك وه‌زیرانى عێراق، له‌گه‌ڵ ستیڤن فاگین كاربه‌ڕێكه‌به‌رى باڵیۆزخانەی ئەمریکا لەعێراق‌و ژه‌نراڵ كیڤن لیهى فەرماندەی هاوپەیمانی نێوده‌وڵه‌تى دژى داعش كۆبوه‌وه‌.

بە گوێرەی ڕاگەیەنراوی کۆبونەوەکە سودانى بە ئه‌مریكیەکانی وتووە: ڕێگه‌ناده‌ین خاك‌و ئاسمانمان دژى ئێران‌و هیچ وڵاتێك به‌كاربهێندرێت بۆ ئه‌وه‌ش هەموو ڕێکارێکی یاسایی دەگرینه‌به‌ر.

لەبەرامبەردا ئەمریکییەکان وتویاند، ئێمه‌ش وه‌ك ئه‌مریكا نامانه‌وێت عێراق به‌شێك بێت له‌و جه‌نگەى هه‌ڵگیرساوه‌و به‌شداریی بكات.