شارپرێس:

قەرزی جیهانی تا کۆتایی چارەکی دووەمی ئەمساڵ گەیشتە بەرزترین ئاستی کە 337.7 تریلیۆن دۆلارە، ئەمەش بەهۆی لاوازبوونی بەهای دۆلاری ئەمریکی و گۆڕانکاری بەرەو سیاسەتی دراوی گونجاوتر لەلایەن بانکە ناوەندییە گەورەکانەوە بوو.

پەیمانگای پشتیوانی دارایی نێودەوڵەتی لە ڕاپۆرتێکدا ئاماژەی بەوە کردووە کە لە نیوەی یەکەمی ئەمساڵدا زیاتر لە ٢١ تریلیۆن دۆلار قەرزەکان زیادیان کردووە، چین، فەرەنسا، ئەمریکا، ئەڵمانیا، بەریتانیا و ژاپۆن زۆرترین زیادبوونیان تۆمارکردووە. 

بەپێی ئاژانسی ڕۆیتەرز، نرخی دۆلار لە سەرەتای ئەمساڵەوە بە ڕێژەی 9.75% دابەزیوە.

پەیمانگاکە دەڵێت، قەبارەی ئەم زیادبوونە هاوشێوەی ئەو زیادەیەیە کە لە سەردەمی پەتای کۆڤید-19ی ساڵی 2020دا ڕوویدا، کاتێک قەرزەکان بە ڕێژەیەکی بێ وێنە کەڵەکەبوون.

ڕێژەی قەرزی جیهانی بەرامبەر بە بەرهەمی ناوخۆیی گەیشتە 324%، لەکاتێکدا لە بازاڕە تازەپێگەیشتوەکاندا گەیشتە 242%.
ئ.ه